Mánudagur 17. júní, 2024
8.8 C
Reykjavik

Bakvörðurinn á lögmannsstofu og starfar sem forfallakennari

VefTv

- Auglýsing -

Hlaðvörp

- Auglýsing -

Bakverðinum Önnu Auroru Waage Óskarsdóttur, sem var á föstudag handtekin vegna ásakana um að hafa villt á sér heimildir og þjófnað sem bakvörður á Hjúkrunarheimilinu Bergi í Bolungarvík, virðist ýmislegt til lista lagt. Fyrir utan að hafa setið um tíma sem stjórnarmaður Framsóknarfélags Mosfellsbæjar og verið virk í starfi flokksins á Anna lögmannstofuna Aurora Nordic sf. ásamt sambýlismanni sínum.  Í vetur hefur hún svo sinnt kennslustörfum í grunnskóla og fékk til þess undanþágu frá menntamálaráðuneytinu.

„Við höfum ekkert yfir henni að kvarta og hefur hún reynst vel.“

Edda Gíslrún Kjartansdóttir, aðstoðarskólastjóri Hörðuvallaskóla í Kópavogi, staðfestir í samtali við Mannlíf að Anna Aurora hafi í vetur starfað sem forfallakennari við skólann. Hún geri það sem leiðbeinandi og hafi til þess fengið undanþágu frá menntamálaráðuneytinu. Aðspurð segir hún það klárt mál að bakvörðurinn hafi aldrei reynt að villa á sér heimildir hvað starf við skólann varðar. „Hún er ekki skráð sem kennari hjá okkur heldur leiðbeinandi. Við höfum ekkert yfir henni að kvarta og hefur hún reynst vel,“ segir Edda Gíslrún.

Sjá einnig: Einkaviðtal við bakvörðinn: „Ég var meðhöndluð eins og stórglæpamaður“

Fjölmiðlar hafa greint frá því að Anna Aurora sé til rannsóknar hjá lögreglu vegna annars máls, þ.e. meintra fjársvika. í því máli er henni líka gefið að sök að hafa villt á sér heimildir með því að þykjast vera lögmaður. Á hún að hafa framvísað meistaragráðu frá erlendum háskóla sem sýni það. Samkvæmt fyrirtækjaskrá á Anna Aurora helmingshlut í lögmannsstofu á móti sambýlismanni hennar Hreini Heiðari Oddssyni. Þar kemur fram að fyrirtækið veiti meðal annars skattaráðgjöf, lögfræðiþjónustu og viðskiptaráðgjöf ásamt heimild til sölu bifreiða.

Sjá einnig: „Falski“ bakvörðurinn á framboðslista í síðustu kosningum – „Harmleikur“ segir fyrrverandi samstarfsmaður

Eins og fyrr segir var Anna Aurora handtekin síðastliðinn föstudag, grunuð um skjalafals og þjófnað. Í viðtali við Mannlíf í gær sagðist hún vera saklaus og hefur hún ráðið lögmann til að stefna Gylfa Ólafssyni forstjóra Heilbrigðisstofnunar Vestfjarða og lögreglustjóranum á Vestfjörðum vegna málsins.

- Auglýsing -

Sjá einnig: Gátum ekki tekið neina áhættu varðandi bakvörðinn

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -