Hnoðað í manninn sem lést á börum: „Sáum allt loga í blá­um ljós­um“

Íbúi í Vogabyggð sá manninn sem lést um helgina borinn út á börum

Nú um helgina lést maður á sextugsaldri og var kona á sama aldri úrskurðuð í gæsluvarðhald stuttu eftir það, sem var svo framlengt til 4. október. Maðurinn lést í húsi í Vogabyggð og sagði íbúi hverfisins frá atvikum sem hann varð vitni að.

„Við vor­um bara heima í ró­leg­heit­um þegar við sáum allt loga í blá­um ljós­um og þá var slökkviliðsbíll hérna fyr­ir utan, þrír sjúkra­bíl­ar og alla vega fjór­ir lög­reglu­bíl­ar og all­ir á hlaup­um,“ sagði íbúinn í samtali við mbl.is

„Ég sá eng­an fara út í járn­um en þegar þriðji sjúkra­bíll­inn kom voru þeir að fara með mann út á bör­um og voru að hnoða hann, þeir skipt­ust á að hnoða hann, við stóðum hérna úti á svöl­um og það gerðu fleiri íbú­ar hér líka, til dæm­is ná­granni minn við hliðina á mér, við vor­um að ræða sam­an hérna meðan á þessu stóð,“ sagði íbú­inn um atvikið.