Nýjasta áfallið fyrir fjölskyldu Jóns Baldvins Hannibalssonar er sú uppljóstrun sem felst í birtingu dagbóka Þóru heitinnar Hreinsdóttur, þáverandi nemanda við Hagaskóla. Hún átti samkvæmt dagbókunum í ástarsambandi við Jón Baldvin, kennara sinn, Sighvatur Björgvinsson, fyrrverandi ráðherra, er einn þeirra fáu sem stigið fram Jóni Baldvin til varnar en Ingibjörg Sólrún Gísladóttir, fyrrverandi samherji Jóns Baldvins, hefur fordæmt framferði hans. En það er sama hvaða afstöðu fólk hefur til hins meinta flagara og brotamanns. Flestir vorkenna eiginkonu hans, Bryndísi Schram, sem stendur þétt við hlið eiginmanns síns, sama hvað á dynur. Nýjasta útspil í varnarbaráttu eiginmanns hennar mátti sjá í Mogganum fyrir helgi þar sem Jón Baldvin skrifaði heilsíðugrein sem gekk að mestu út á árás á Aldísi Schram, dóttur þeirra Bryndísar sem hann sakar um að hafa logið upp á sig kynferðisbrotum …