- Auglýsing -
Manu Dibango djassleikari lést í dag, 86 ára að aldri. Dibango lést eftir að hafa smitast af COVID-19 kórónaveirunni. „Hann lést snemma í morgun á sjúkrahúsi á Parísarsvæðinu,“ segir Thierry Durepaire útgefandi hans.
Í færslu á opinberri Facebook-síðu hans segir að útför Dibango muni fara fram í kyrrþey og minningarathöfn verði skipulögð og haldin þegar hægt verður.
Vinsælasta lag hans, Soul Makossa, kom út árið 1972 og og var á b-hlið lags, sem hvatti fótboltalið Kamerún í fótboltakeppni landa Afríku, African Cup of Nations. Plötusnúðar í New York tóku hins vegar lag Dibango upp og þannig varð það feykivinsælt.