Laugardagur 15. júní, 2024
10.8 C
Reykjavik

Dorrit fékk Covid-19: „Blessunarlega var ég á Íslandi“

VefTv

- Auglýsing -

Hlaðvörp

- Auglýsing -

Dorrit Moussaief, fyrrverandi forsetafrú, upplýsir í samtali við Síðdegisútvarpið á Rás tvö að hún hafi veikst af Covid-19, orðið talsvert veik og muni lítið eftir fimm dögum af veikindunum. Hún þakkar batann ekki síst þeirri heppni að hafa verið stödd á Íslandi þegar hún veiktist.

„Ég svaf í fimm daga og man lítið eftir þeim, ég var með nokkuð háan hita og vöðvaverki. Ég var í algjörri einangrun. En sökum frábærrar umönnunar sem ég fékk frá læknunum á Íslandi, jafnvel þó ég hafi ekki þurft að hitta þá töluðu þeir við mig í gegnum síma, gleður mig að segja að ég hef náð fullri heilsu. Prófin frá Íslenskri erfðagreiningu eru núna neikvæð,“ segir forsetafrúin fyrrverandi í viðtalinu.

Dorrit er með sjálfsofnæmissjúkdóm, en segist aldrei hafa verið hraustari en eftir dvölina á Íslandi. Hún hafi verið dugleg að fara í göngutúra og segir íslenska náttúru hafa átt stóran þátt í bata hennar: „Ekki bara göngurnar. Hreint loft og hreint vatn. Öll orkan á Íslandi er lykilþáttur sem við ættum öll að nota. Við megum ekki vanmeta hana.“

Spurð hvernig á því standi að ekki hafi frést af veikindum hennar fyrr segir Dorrit að þau hafi ekki verið neitt leyndarmál en hún hafi heldur ekkert verið að auglýsa þau: „ „Nei, ég lét ekki fjölmiðla vita. En af hverju ætti þetta að vera leyndarmál? Ég var auðvitað ekki að tala við neinn en ég lét vini mína vita. Þetta er ekkert til að skammast sín yfir,“ segir hún.

Nánar verður rætt við Dorrit um veikindin í síðdegisútvarpinu á Rás 2 í dag.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -