Seint í gærkvöld höfðu fimm farþegar úr rútuslysinu í Öxnadal verið fluttir á sjúkrahús í Reykjavík en aðrir voru fluttir til Akureyrar. Óljóst er hve alvarlega áverka farþegarnir hlutu og hvert ástand þeirra er.
Þjóðvegur 1 var lokaður fram á nótt en var opnaður í morgun. Umferðaröngþveiti myndaðist í Ólafsfjarðargöngum eftir að umferð var vísað fyrir Tröllaskaga. Dæmi voru sögð af fólki sem var fast í göngunum í allt að klukkustund.
Þarna var á ferð hópur erlendra ferðamanna á rútu með erlendu skráningarnúmeri. Áfram var í nótt unnið á vettvangi. Meðal annars er skoðað hvort blæðingar í malbiki hafi valdið slysinu. Vegfarandur um Öxarárdal hafa vitnað um það ásatnda á veginum í gær.
Búið er að ná sambandi við erlendu ferðaskrifstofuna sem heldur utan um ferðina sem endaði með þessum ósköpum.
Rauði krossinn opnaði fjöldahjálparstöð á Akureyri fyrir þá þolendur slyssins sem útskrifaðir hafa verið af sjúkrahúsi á Akureyri.
Lögreglan þakkar öllum sem komu að björgun farþega og aðstoð á slysstað. Aðgerðin er sögð krefjandi og mikil áskorun.