Fimmtudagur 28. mars, 2024
-1.2 C
Reykjavik

Guðmundur hendir túkalli í stóra flugfreyjumálið: „Langlíklegust til að koma þér lifandi út úr álrörinu“

VefTv

- Auglýsing -

Hlaðvörp

- Auglýsing -

Guðmundur Gunnarsson fyrrum bæjarstjóri Ísafjarðarbæjar blandar sér í umræðuna í stóra flugfreyjumálinu í nýjustu færslu hans á Facebook. Guðmundur var flugþjónn á árum áður og birtir hann með 20 ára gamla mynd.

 

„Sem fyrrverandi flugfreyja vil ég henda inn túkalli í umræðuna,“ segir Guðmundur og bendir á að flugfreyjur- og þjónar eru öryggisverðir háloftanna þó að margir lítir aðeins á starfsstéttina sem sætar gengilbeinur.

„Flugfreyjur eru í raun slyngir öryggisverðir sem, með brosi og instantkaffi, fá þig til að gleyma því að þú ert á 900 kílómetra hraða í 12 kílómetra hæð. Í kremju. Inni í þunnu álröri. Með nælonbelti.

Mér finnst það merkilegt. Eiginlega aðdáunarvert.

Þau róa þig og hughreysta þegar þú ælir, fríkar út, drekkur of mikið, tapar kúlinu, grætur eða slefar í svefni. Kveðja þig svo með hlýju brosi.

Þau eru líka langlíklegust til að koma þér lifandi út úr álrörinu ef eitthvað fer úrskeiðis. Þau vita það en pirra sig samt aldrei á því að allir haldi að þau séu lítið annað en sætar gengilbeinur.

- Auglýsing -

Þetta er ekki auðvelt djobb sem flugfélög geta verið án. Þetta er gríðarlega mikilvægur hlekkur í keðju sem beinlínis gengur út á þjónustu og öryggi.

Að tala stéttina niður lýsir skilningsleysi.“

Mynd / Facebook

Sjá einnig: Hildur starfaði sem flugfreyja Icelandair í 21 ár: „Sárt að heyra að það sé mín stétt sem er að stefna fyrirtækinu í gjaldþrot“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -