Þriðjudagur 16. apríl, 2024
0.1 C
Reykjavik

Helgi saksóknari hrifinn af birtingu lögregluskýrslu um kynferðisbrot

VefTv

- Auglýsing -

Hlaðvörp

- Auglýsing -

Helgi Magnús Gunnarssn vararíkissaksóknari „lækar“ Facebook færsluna þar sem Sigurður G. Guðjónsson lögmaður birtir lögregluskýrslur úr máli Þórhildar Gyðu Arnarsdóttur.
Í lögregluskýrslunum segir Þórhildur Gyða frá ofbeldi sem hún varð fyrir í miðbæ Reykjavíkur árið 2017 af hálfu Kolbeins Sigþórssonar fótboltamanns. Auk þess koma fram upplýsingar um fjárhæðir sem Kolbeinn greiddi Þórhildi og frásögn hennar er hún leitaði til læknis í kjölfar árásarinnar.
Helgi Magnús gegnir embætti sem hefur úrslitavald um það hvort ofbeldismál fái áheyrn dómara eður ei.

Þetta kemur meðal annars fram í færslu sem Stígamót birtu á Facebook síðu sinni nú stuttu eftir hádegi í dag.

„Brotalamir réttarkerfisins eru mörgum kunnar en alltaf skulu finnast nýjar leiðir til að nýta það gegn þolendum ofbeldis. Stígamót hafa vakið athygli á niðurfellingarhlutfalli nauðgunarmála en yfir 70% þeirra eru felld niður og komast því aldrei í dómsal.“
Segir í færslunni og bæta þau við –

„Stundum er talað um að fólk innan kerfisins sé velviljað og allir séu að gera sitt besta – það sé bara flókið að ná fram sakfellingum og sanna brot. Þessi framganga vararíkissaksóknara sýnir á hinn bóginn alvarlegan viðhorfsvanda háttsetts embættismanns í kerfinu og gefur ekki von um að menning sem leyfir sér að gera lítið úr brotaþolum ofbeldis verði upprætt á næstunni – og það í kerfinu sem á einmitt að vernda þessa sömu brotaþola.“

Í færslunni segir einnig að fólki skuli ekki undra sig á að konur sem verða fyrir ofbeldi segi ekki frá því.
„Alltaf skulu finnast nýir og nýir angar þess sem nýttir eru á einhvern hátt gegn brotaþola – til þess að hræða, þagga og lítilsvirða. Þessu verður að linna.“

Að lokum leggja Stígamót fram áskorun

- Auglýsing -

„Stígamót skora á:

  1. Dómsmálaráðherra að skipa nýjan vararíkissaksóknara
  2. Alla stjórnmálaflokka í framboði að leggja fram tillögur um hvernig megi tryggja að réttarkerfið verndi fólk gegn ofbeldi en sé ekki verkfæri í höndum þeirra sem beita því og hjálparkokka þeirra
  3. Alla frambjóðendur til stjórnar KSÍ að gera upp við sig hvort þeim finnist eðlilegt að maður gegni trúnaðarstörfum fyrir hreyfinguna sem gengur fram með þessum hætti gegn brotaþola ofbeldis,“Færslu Stígamóta má nálgast í heild sinni á Facebook síðu þeirra.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -