Hundrað sagt upp hjá ISAVIA

101 starfsmanni Isavia hefur verið sagt upp störfum og 37 starfsmönnum boðið áframhaldandi starf í lægra starfshlutfalli, samkvæmt heimildum Vísis.

Starfsmennirnir vinna hjá móðurfélagi Isavia sem rekur Keflavíkurflugvöll. Sveinbjörn Indriðason forstjóri Isavia hefur boðað til fjarfundar klukkan 15 í dag með starfsfólki sínu til að ræða stöðuna.

Sökum COVID-19 kórónaveirunnar hefur orðið algjört hrun í flugumferð, og allri ferðaþjónustu hér á landi.

Sjá einnig: Ögurstund fram undan í ferðaþjónustu