Fimmtudagur 20. júní, 2024
8.8 C
Reykjavik

Hvar eru ódýrustu jólabækurnar? – Oft 40-60% munur á hæsta og lægsta verði

VefTv

- Auglýsing -

Hlaðvörp

- Auglýsing -

Góð bók er alltaf klassísk jólagjöf en áður en hafist er handa við að finna réttu bókina handa vinum og vandamönnum er ágætt að vita hvar besta verðið er.

Í verðkönnun verðlagseftirlits ASÍ á jólabókum sem gerð var 10. desember var Bónus oftast með lægsta verðið en Penninn.is oftast með hæsta verðið.

Í mörgum tilfellum var verð á bókum Mál og Menningar og Heimkaupa einungis um 10 krónum lægra en verð á bókum hjá Pennanum.

Oftast var 40-60% munur á hæsta og lægsta verði milli verslana og algengt var að 1.500- 2.500 kr. verðmunur væri á bókum.

Penninn Eymundsson Austurstræti vísaði starfsmanni verðlagseftirlitsins út

Í grein ASÍ um verðlagskönnunnina kemur fram að starfsmaður Pennans Eymundsson hafi vísað fulltrúa Verðlagseftirlitsins út úr verslun sinni í Austurstræti og neitaði þáttöku. „Og virðist því ekki telja það þjóna hagsmunum sínum að neytendur séu upplýstir um verð í versluninni. Rétt er að vekja athygli á að verð var kannað á penninn.is sem er netverslun Pennans-Eymundssonar,“ segir í greininni.

- Auglýsing -

Bónus var oftast með lægsta verðið í könnuninni, í 61 tilviki af 77 en í öðrum tilfellum dreifðust lægstu verð á Hagkaup, Nettó, Nettó.is og Forlagið.

Penninn.is var oftast með hæsta verðið eða í 52 tilvikum af 77. Mál og menning var næst oftast með hæsta verðið og þar á eftir kom Heimkaup.is.

998 krónur í Bónus en 2.590 krónur hjá Heimkaup

- Auglýsing -

Mestur var verðmunurinn á bókinni Fótboltaspurningar eftir Bjarna Þór og Guðjón Inga eða 160%. Lægst var verðið hjá Bónus, 998 kr. en hæst hjá Heimkaup.is, 2.590 kr. sem gerir 1.592 kr. verðmun. Í krónum talið var mestur verðmunur á bókinni Síldarárin 1867-1969 eftir Pál Baldvin Baldvinsson, 5.992 kr. eða 54%. Þá var mikill munur á hæsta og lægsta verði á bókinni Listin að vefa eftir Ragnheiði Björk Þórsdóttur, 3.101 krónur eða 53% en ódýrust var hún í Bónus á 5.898 kr. en dýrust hjá Penninn.is á 8.999 kr.

Niðurstöður ASÍ má skoða nánar á vef ASÍ.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -