Fimmtudagur 18. júlí, 2024
10.8 C
Reykjavik

Dæmdur fyrir að rassskella lögfræðing: „Ég hélt að ég fengi fálkaorðuna frekar en fangelsisdóm“

VefTv

- Auglýsing -

Hlaðvörp

- Auglýsing -

Um miðjan tíunda áratug síðustu aldar sagði baráttu- og útgerðarmaðurinn Garðar H. Björgvinsson frá því í viðtali er hann var dæmdur í þriggja mánaða fangelsi fyrir að rassskella lögfræðing.

Garðar H. Björgvinsson

Garðar, sem var þekktur baráttumaður á árum áður, ræddi við Eirík Jónsson í samnefndum viðtalsþætti á Stöð tvö á tíunda áratugnum þar sem hann meðal annars ræðir það er hann rassskellti lögfræðing og hlaut dóm fyrir. Óhætt er að segja að viðtalið er tímamótaviðtal í íslenskri fjölmiðlasögu enda Garðar mjög blátt áfram í svörum sínum og Eiríkur ískaldur í spurningum sínum, fullkominn tangó.

Eiríkur: „Sko, ég trúi því ekki sem mér er sagt, að þú hafir einhvern tíma rassskellt lögfræðing sem var eitthvað að abbast upp á þig.“

Garðar: „Jú, ég gerði það.“

Eiríkur: „Gerðirðu það?“

Garðar: „Jamm.“

- Auglýsing -

Eiríkur: „Hvernig fórstu að því?“

Garðar: „Ég flaug bara yfir borðið hjá honum og setti höfuðið á honum í klofið á mér og herti að og reif niður um hann buxurnar og hýddi hann bara.“

Eiríkur: „Nú?“

- Auglýsing -

Garðar: „Einfalt mál.“

Eiríkur: „Og hvað sagði hann?“

Garðar: „Hann náttúrulega sagði ekki neitt þegar hann var í klofinu á mér.“

Eiríkur: „Og slóstu hann oft á rassinn?“

Garðar: „Já, nokkuð oft.“

Eiríkur: „Bara eins og maður sér í teiknimyndum?“

Garðar: „Já og ég klóraði svolítið í leiðinni, svona til að blóðga hann aðeins.“

Eiríkur: „Nú?“

Garðar: „Ég var bara að kenna honum mannasiði.“

Eiríkur: „En hvers vegna varstu að þessu, var hann að abbast eitthvað upp á þig?“

Garðar: „Nei, nei, hann var að rukka mig, reikning sem ég skuldaði alls ekki. Og það var búið að búa til kostnaðaráætlun um samning, ég vil nú ekki nefna fyrirtækið, og þannig gæti ég náð fé úr ríkissjóði.“

Eiríkur: „Já, með að svindla?“

Garðar: „Já. En ég vildi ekki gera það, ég vissi að það vantaði í það fé, bara í heilbrigðiskerfið og víðar eins og það gerir enn. Svoleiðis að ég ákvað bara að kenna honum mannasiði.“

Eiríkur: „Já. Og rassskelltir hann?“

Garðar: „Jamm. Ég hélt að ég fengi fálkaorðuna frekar heldur en fangelsisdóm.“

Eiríkur: „Já, þú varst dæmdur fyrir þetta?“

Garðar: „Já, þriggja mánaða fangelsi.“

Þessa epísku klippu má sjá hér að neðan en Davíð Eldur birti hana á Twitter á dögunum:

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -