Fimmtudagur 2. febrúar, 2023
1.6 C
Reykjavik

Elísabet Jökulsdóttir er alsæl með nýtt nýra: „Ég geng hérna í keng“.

Helgarviðtalið

- Auglýsing -

Orðrómur

- Auglýsing -

Elísabet Jökulsdóttir, skáldkona og rithöfundur, fékk ígrætt nýtt nýra á laugardaginn en hún var með nýrnabilun á lokastigi.

Systir Elísabetar, Unnur Þóra, birti færslu á Facebook síðu sinni þar sem hún sagði frá þeim gleðitíðindum að Elísabet hafi fengið nýtt nýra í Svíþjóð og að allt hafi gengið eftir óskum.

Elísabet var önnum kafin þegar blaðamaður náði á hana, enda í góðu atlæti á sjúkrahúsinu í Svíþjóð. Hún gaf sér þó tíma til að segja lauslega frá líðan sinni.

„Mér líður mjög ágætlega, ég er með svolítinn verk, eins og gengur, í skurðinum. Ég geng hérna í keng.“ Hún þurfti þó fljótt frá að hverfa. „Það er hjúkrunarfræðingur að fara að tríta mig hérna.“

Elísabet vakti mikla athygli eftir viðtal sitt við Stundina í vor. Þá störfuðu nýrun aðeins 15 prósent og var þrekleysið mikið, hún segist ekki hafa komist upp með minna en tólf tíma svefn á sólahring. Í viðtalinu sagði Elísabet frá því að nýrnabilunin hafi orðið vegna langvarandi notkun sinnar á lyfinu Lithium en það er notað sem meðferð við geðhvarfarsýki og öðrum andlegum sjúkdómum.  Þekkt aukaverkun á lyfinu er skert nýrnastarfsemi og er því mikilvægt að eftirlit sé með þeim sem taka lyfið. Það var ekki gert í tilfelli Elísabetar. Eftirliti var hætt árið 2004 en lyfjameðferð haldið áfram, hún var því í 18 ár á lyfinu án þess að nokkur fylgdist með áhrifum þess. Þetta var þó bara byrjunin á röð læknamistaka sem Elísabet segir frá í viðtalinu.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -