Föstudagur 19. júlí, 2024
9.8 C
Reykjavik

Hraunið orðið stærra en í fyrra: „Lífshættulegar gastegundir safnast í dældum“

VefTv

- Auglýsing -

Hlaðvörp

- Auglýsing -

Gönguleiðum verður lokað klukkan 18:00 í kvöld eins og undanfarna daga.

Hægt verður að ganga að eldgosinu frá Suðurstrandarvegi í dag en eftir klukkan 18:00 verður öllum leiðum á svæðið lokað, eins og undanfarna daga. Nóttin gekk vel að sögn lögreglu og urðu engin slys á fólki.

Lögreglan hvetur fólk til að fara gætilega um svæðið og fylgja leiðbeiningum yfirvalda eftir bestu getu og minnir fólk að það fer að gosinu á eigin ábyrgð.

„Þá geta lífshættulegar gastegundir safnast í dældum og geta reynst banvænar. Nýjar gossprungur geta opnast með litlum fyrirvara og glóandi hraun getur fallið úr hraunjaðri og hröð og skyndileg framhlaup orðið þar sem nýjar hrauntungur brjótast fram sem erfitt getur verið að forðast á hlaupum,“ sagði lögreglan á Suðurnesjum í tilkynningu.

„Fólk fer að gosstöðvunum á eigin ábyrgð. Þá er lögð áhersla á að ekki sé farið með börn á svæðið og að fólk með hjarta- eða lungnasjúkdóma gangi ekki að gosinu, eða þungaðar konur. Það er vegna hugsanlegrar gasmengunar en einnig vegna reyksins frá gróðureldum. Þá er gangan löng og reynist mörgum erfið.“

Í öðrum gosfréttum þá er hraunið sem myndast hefur í þessu eldgosi orðið stærra en hraunið sem myndaðist í ágúst í fyrra. Það gos stóð yfir í 18 daga en núverandi gos hefur staðið yfir í 13 daga. Þetta kemur fram á vef Jarðvísindastofnunnar Háskóla Íslands.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -