Miðvikudagur 22. maí, 2024
5.8 C
Reykjavik

Himinhá verðbólga og Kristrún í stuði

VefTv

- Auglýsing -

Hlaðvörp

- Auglýsing -

Í góðum málum

Samfylkingin er heldur betur í góðum málum þessa dagana. Í nýlegri könnun Gallup mældist flokkurinn sá stærsti á Íslandi, með 25,3 prósenta fylgi. Á sama tíma er ríkisstjórnin kolfallin, væri kosið nú, en Vinstri græn og Framsókn myndu tapa níu þingmönnum en Samfylkingin myndi bæta við sig 11 mönnum. Samfylkingin hefur ekki verið með svona gott fylgi síðan árið 2009. En hverju eða hverjum má þakka þennan viðsnúning? Svarið er einfalt; Kristrún Frostadóttir hefur komið eins og ferskur andblær inn í Samfylkinguna og hefur lyft flokknum upp í hæstu hæðir. Hún er nú komin í fæðingarorlof og spurning hvernig flokknum vegnar á meðan.

Í slæmum málum

Íslenskir neytendur er í slæmum málum um þessar mundir. Verðbólgan stendur í 9,9 prósentum og í vikunni hækkaði Seðlabankinn stýrivexti um hálft prósentustig. Þá tók gildi um áramótin hækkun ríkisstjórnar Katrínar Jakobsdóttur á hinum ýmsum þjónustugjöldum. Til dæmis hækkaði heilbrigðisráðherra gjaldskrá Lyfjastofnunar um heil 10,6 prósent og matvæli hafa svo auðvitað hækkað heilmikið og voru þó dýr fyrir. Þá er útlit fyrir að leiguverð muni hækka á árinu en síðustu 12 mánuði hefur vísitala leiguverðs hækkað um 10,3 prósent og hefur ekki verið hærri síðan 2018. Í stuttu máli; það er ekkert sérstakt að búa á Íslandi ef maður hefur ekki mikinn pening á milli handanna, en það er svo sem gömul saga og ný.

Pistill þessi er partur af nýjasta blaði Mannlífs sem má lesa hér.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -