Sunnudagur 4. desember, 2022
-2.2 C
Reykjavik

Morgunblaðið ritskoðar þá sem segja þær ekki skvísur

Helgarviðtalið

- Auglýsing -

Orðrómur

- Auglýsing -

Fyrr í dag greindi Fréttablaðið frá því að Svana Lovísa Kristjánsdóttir, vöruhönnuður og hönnunarbloggari á trendnet.is, hafi skemmt sér í gær við að lesa athugasemdir manna sem töldu hana enga skvísu. Mennirnir létu orðin falla í athugasemdum við frétt Smartlandsins á Morgunblaðinu, en fyrirsögnin virðist hafa espað þá upp, enda óneitanlega nokkuð ögrandi: „Mestu skvísur landsins hittumst á Edition“

„Ég hef séð margar glæsilegri konur en þessar,“ skrifaði einn meðan annar sagði: „Má kalla konur „skvísur“, maður þorir ekki annað en spurja, svo maður verði ekki kallaður karlremba“. Ummæli sem hingað til hefðu þótt kannski dónaleg en ekki ógn gegn lýðræði.

Því þó Svana hafi tekið þessu með jafnaðargeði og húmor þá virðist Morgunblaðið hafa litið þetta alvarlegum augum. Öllum ummælum hefur nú verið eytt, þar sem gefið er í skyn að konurnar á Edition séu mögulega ekki skvísur. Einungis ein athugasemd fékk að standa: „Allar konur eru glæsilegar“.

Maðurinn sem þorði varla að spyrja hefur því fengið sitt svar. Samkvæmt ritskoðanda Morgunblaðsins þá eru allar konur, alls staðar og ávallt, skvísur. Aðrar skoðanir rúmast ekki innan tjáningafrelsis.

En eftir stendur eitt, þarf ritskoðandinn ekki að líta sér nær? Hvað með þær konur sem voru svo óheppnar að fá ekki boð á Edition, eru þær ekki skvísur líka? Varla, enda allar skvísur landsins þar.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -