Smárabíó mun opna á ný þann 4. maí eftir að tilslakanir á samkomubanni taka gildi. Þetta kemur fram í tilkynningu frá Smárabíó.
Þar segir að tryggt verði að gestir hafi möguleika á að halda tveimur metrum á milli sín og annarrs bíógesta. „Aldrei verða fleiri en 50 manns í hverjum sal,“ segir í tilkynningunni.
Í henni er haft eftir forstjóra kvikmyndahúsa Senu að margt fólk hafi undanfarið sent inn fyrirspurnir um hvenær það geti farið aftur í bíó. „Við höfum fengið mikið af fyrirspurnum um hvenær við munum opna á ný, og fundið fyrir söknuð viðskiptavina að geta kíkt í bíó. Það er því ánægjulegt að geta tilkynnt að við munum opna dyrnar þann 4. maí,“ segir Ólafur Þór Jóelsson, framkvæmdastjóri kvikmyndahúsa Senu.
Þegar bíoð opnar aftur verður boðið upp á á snertilausa þjónustu, allt frá miðakaupum að veitingum. „Mikil áhersla er lögð á þrif og sótthreinsun og boðið verður upp á hanska fyrir þau sem óska þess,“ segir í tilkynningunni.