Lögregla ítrekað kölluð út vegna heimasamkvæma í miðju samkomubanni

Erilsöm nótt var hjá lögreglunni á höfuðborgarsvæðinu. Þannig stöðvaði lögregla á ann­an tug öku­manna í gær­kvöldi eða nótt vegna gruns um akst­ur und­ir áhrif­um áfeng­is eða fíkni­efna, að því er fram kem­ur í dag­bók lög­reglu. Eins þurfti lögregla að sinna að minnsta kosti ellefu útköllum í nótt vegna hávaða frá heimasamkvæmum.

Þá ók 17 ára pilt­ur ók á kant­stein í Hafnar­f­irði á átt­unda tím­an­um í gær­kvöldi og var flutt­ur á bráðadeild Land­spít­al­ans, vegna eymsla í höfði, baki, hálsi og fæti. bar hann fyrir sig að hafa blindast af sól og því ekið á kantstein. Drátt­ar­bíl þurfti að flytja bifreiðina töluvert skemmda af vettvangi. Móður drengsins var gert viðvart og hefur málið verið tilkynnt til Barnaverndar.