Mánudagur 17. júní, 2024
8.8 C
Reykjavik

Lyfjafræðingur með snjóskóflu ber út lyf

VefTv

- Auglýsing -

Hlaðvörp

- Auglýsing -

Hvergerðingar njóta heimsendingarþjónustu sjálfboðaliðans Hjördísar Bjarkar sem færir fólki lyf og mokar snjó frá dyrum ef þarf.

„Mér finnst ekki annað en sjálfsagt að hjálpa fólki. Mig munar ekki mikið um að skutla lyfjum heim til fólks eftir vinnu,” segir Hjördís Björk Ólafsdóttir, lyfjafræðingur hjá Apótekaranum í Hveragerði, sem býður fólki að færa þeim lyf heim. Hjördís Björk setti tilkynningu inn á Facebooksíðu bæjarbúa þar sem hún býður þeim sem ekki eiga heimangengt að greiða fyrir lyf sín með símgreiðslu og fá þau heimsend. Hjördís Björk fer síðan sjálf með lyfin til fólks eftir að vinnudeginum lýkur.

„Ég veit að margt fólk kemst ekki úr húsi og ákvað að leggja mitt að mörkum. Þess vegna setti ég inn þessa tilkynningu. Fólk er afskaplega þakklátt fyrir þessa þjónustu,” segir Hjördís Björk sem fær sína umbun í þakklæti fólksins í Hveragerði.

Hún segist hafa tekið eftir því að sumir áttu erfitt með að komast úr húsi vegna þess að snjór hefti för. Þess vegna bætti hún við tilboð sitt um ókeypis heimsendingu.

„Ég moka snjó frá dyrum fyrir þá sem vilja. Sumt fólk þarf að notast við göngugrind og á í basli. Mér munar ekkert um að hafa skófluna með,” segir Hjördís Björk.

Hún segist verða vör við vaxandi náungakærleika undanfarið.

- Auglýsing -

„Það eru margir tilbúnir til að hjálpa samborgurum sínum en hafa ekki þorað að gefa sig fram. Nú fjölgar þeim stöðugt sem leggja öðrum lið,” segir Hjördís Björk sem hefur nóg að gera við að selja lyf og færa þau fólki eftir að vinnu lýkur.

Tillkynningin
Hvergerðingum býðst ókeypis heimsendingarþjónusta á lyfjum.

 

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -