Miðvikudagur 17. júlí, 2024
11.8 C
Reykjavik

Nakinn maður djöflaðist á bílum um hánótt – Fyllibyttur sofnuðu á gangstétt í miðborginni

VefTv

- Auglýsing -

Hlaðvörp

- Auglýsing -

Furðumál næturinnar átti sér stað á svæði lögreglunnar í Mosfellsbæ. Nakinn maður vakti athygli þar sem hann lét illum látum á almannafæri. Bílar fóru í taugarnar á honum iog hann veittist að þeim. Lögregla fór á vettvang stöðvaði framferði mannsins. Hann var undir áhrifum og taldi lögreglan ráðlegt að læsa hann inni í fangaklefa þar til hann verður viðræðuhæfur. Nakti maðurinn er einn af átta sem hlutu þau örlög að vera lokaður inni í fangaklefa í nótt.

Í miðborginni var óskað eftur aðstoð lögreglunnar vegna manns í annarlegu ástandi. Hann hegðaði sér ósæmilega og braut þannig gegn lögreglusamþykkt Reykjavíkur. Hann var vistaður í fangaklefa og verður kærður fyrir brot sitt.

Tveir aðrir voru staðnir að broti á lögreglusamþykkt þegar þeir höfðpu drukkið frá sér ráð og voru blindfullir að valda óspektum. Annar þeirra gekk niður miðbæinn, með flösku í hönd, barði í glugga, sparkaði í ruslatunnur og var með almenn leiðindi. Fyllibytturnar voru báðar læstar inni.  Í miðborginni brá fleira til tíðinda þar menn höfðu innbyrt of mikið áfengi eða ávanalyf. Tveir fundust sofandi á gangstétt. Til að tryggja þeirra öryggi voru þeir vaktir upp af blundinum, handteknir og fluttir á lögreglustöðina við Hverfisgötu þar sem þeir fá að sofa úr sér í fangaklefa.

Í úthverfum borgarinnar og annarsstaðar á höfuðborgarsvæðinu voru mestar annir lögreglunnar fólgnar í því að stöðva hraðakstr og sekta ökumenn. Einn var sektaður fryrir að vera á 115 þar sem hámarkshraði er 90. Þá voru þrír ökumenn handteknir, grunaðir um akstur undir áhrifum fíkniefna. Þeir gengu í gegnum hefðbundið ferli og lausir eftir að dregið hafði verið úr þeim blóð.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -