• Orðrómur

Níu konur kæra ríkið vegna brota á rétti í kjölfar ofbeldis

Helgarviðtalið

- Auglýsing -

Orðrómur

- Auglýsing -

Níu konur hafa nú kært íslenska ríkið til Mannréttindadómstóls Evrópu fyrir að hafa brotið á rétti sínum til réttlátrar málsmeðferðar. Konurnar eiga það allar sammerkt að vera brotaþolar sem kærðu nauðganir, heimilisofbeldi og/eða kynferðislega áreitni til lögreglu en málin voru felld niður af ákæruvaldinu.

Það voru Stígamót ásamt 12 öðrum kvenna- og jafnréttissamtökum sem vöktu athygli á ákærunni.

Steinunn Gyðu- og Guðjónsdóttir, upplýsingafulltrúi Stígamóta

Konurnar eru á ýmsum aldri, en þær voru á aldreinum 17 til 42 ára þegar þær kærðu brotin og voru flestar kærurnar lagðar fram hjá lögreglunni á höfuðborgarsvæðinu. Við ítarlega yfirferð Sigrúnar Ingibjargar Gísladóttir lögfræðings, sem fór yfir málin, komu í ljós ýmsar brotalamir í rannsókn og meðferð málannann innan réttarvörslukerfisins sem varða helst rannsólkn lögreglu, mat á sönnunargögnum og túlkun á vilja löggljafans.

Hér má sjá áhugavert og sláandi viðtal við Önnu Bentínu Hermansen hjá Stígamótum þar sem hún ræðir væga dóma í alvarlegum kynferðisbrotamálum.

Anna Bentína Hermansen hjá Stígamótum

Í ljós komu alvarlegir annamarkar á rannsókn lögreglu

  • Mál fyrnist í höndum lögreglu á meðan það var til rannsóknar vegna þess hve lengi dróst að boða sakborning í skýrslutöku.
  • Almennt tóku málin alltof langan tíma í rannsólkn lögreglu.
  • Sakborningarnir höfðu marga mánuði til að undirbúa sig fyrir skýrslutöku og samræma frásagnir vegna seinagangs lögreglu við rannsókn mála.
  • Vitni sem höfu lykilþýðingu í málum voru ekki boðuð í skýrslutöku og litið var framhjá skýrslum vitna sem studdu við frásögn brotaþola.

Lítið sem ekkert sönnuargildi er lagt í þau sönnunargögn sem til staðar eru í málunum

  • Þau sönnunargögn sem eru konum tiltæk, í málum sem oft gerast bakvið luktar dyr, eru ekki tekin alvarlega, þá einkum vottorð sálfræðinga. Þetta samræmist ekki lagabreytingu sem gerð var á Alþingi þar sem áhersla var lögð á bæði líkamlegar og andlegar afleiðngar.
  • Líkamlegir áverkar virðast heldur ekki teljast fullnægjandi. Dæmi voru um að þótt ósannaðað brotaþolinn hefði veitt mótspyrnu þrátt fyrir líkamlega áverka.
  • Í öðrum tilvikum var litið framhjá sönnunargögnum á vettvangi, s.s. myndum eða myndbandsupptökum tekin á síma sem og ummerkjum, s.s. brotnum gluggum.
  • Játningar sakbornings voru ekki teknar til greina.
  • Neitun sakbornings virðist vega þyngra en framburður brotaþola sem studdur er með vitnum og sönnunargögnum og er það mikil hindrun gegn réttlátri málsmeðferð fyrri brogaþola.
- Auglýsing -

Gengið gegn vilja löggjafans við túlkun langanna

  • Í mörgum málum var einblínt á hvort sakborningur hafi mátt gera sér grein fyrir því að brotaþoli hafi ekki veitt samþykki, t.d. vegna ölvunarástands, fremur en á það hvort hann hafi fengið samþykki eins og lögin kveða á um.
  • Þrátt fyrir að í nýrri nauðgunarlöggjöf komi fram að það teljist bro tef blekkingum er beitt til að ná fram samþykki leit saksóknari svo á að ekki væri unnt að ganga lengra í túlkun en eldri lög og framkvæmd gerði ráð fyrir
  • Í einu máli þótti sannað að um ofbeldi hefði verið að ræða en þar sem ofbeldið þótti ekki nægilega alvarlegt var það talið fyrnt og fellt niður.

 

 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Nýtt í dag

Mest lesið í vikunni

Í fréttum er þetta helst...

- Auglýsing -