Reyndi að stinga lögreglu af í nótt

Lögreglan á höfuðborgarsvæðinu stöðvaði ökumann um hálfþrjú­leytið í nótt. Reyndi viðkomandi að stinga af en var handtekinn, grunaður um að aka undir áhrifum áfengis og fíkniefna, að því er fram kemur í dagbók lögreglu.

Þá barst lögreglunni tilkynning um eld á skóla­lóð Seltjarn­ar­nesi um klukkan hálf­tíu­leytið í gær­kvöldi. Reyndist vera um að ræða eld í rusli á skólalóðinni. Slökkviliðið á höfuðborg­ar­svæðinu slökkti eldinn.

Nokkrum tímum áður, eða laust fyr­ir klukk­an 18, barst lögreglunni tilkynnning um inn­brot í geymslu í fjöl­býl­is­húsi í miðbænum. Var skóm stolið og fatnaði og áfengi. Er málið til rann­sóknar.