Samkaup færir út kvíarnar: Pizzastaður í Lágmúla

Deila

- Auglýsing -

Samkaup verslunarkeðjan sem rekur verslanir undir nöfnum Nettó, Iceland, Samkaup Strax, Krambúð og Kjörbúðin, hefur nú fengið leyfi til að opna pizzastað að Lágmúla 7.

Um er að ræða húsnæði á tveimur hæðum við hlið verslunar Nettó, sem opnaði 24. maí í fyrra.

Í húsnæðinu var Vídeóhöllin um árabil, en hún lokaði í lok nóvember árið 2012, seinna var undirfataverslunin Mary Carmen í húsnæðinu, en það hefur staðið autt um nokkurn tíma.

Umsókn Samkaup var samþykkt á fundi byggingarfulltrúa á þriðjudag:

Umsókn nr. 57347 (01.26.130.2)
571298-3769 Samkaup hf.
Krossmóa 4 260 Njarðvík
44. Lágmúli 7, Innrétta pizzastað
Sótt er um leyfi til þess að breyta erindi BN055656 þannig að innréttaður verður pizzastaður á tveimur hæðum, veitingarstaður í flokki ll, tegund c, veitinga- og greiðasala, fyrir mest 70 gesti, bæta við flóttaleið út á þak, setja upp pallalyftu á milli hæða og koma fyrir skorsteinum fyrir ofn og grill á þaki millibyggingar, mhl. 03 á lóð nr. 7 við Lágmúla.
Stækkun: 46.4 ferm., 264.3 rúmm.
Gjald kr. 11.200

Samþykkt.
Samræmist ákvæðum laga nr. 160 / 2010.
Skilyrt er að ný eignaskiptayfirlýsing sé samþykkt fyrir útgáfu byggingarleyfis, henn verði þinglýst eigi síðar en við lokaúttekt. Áskilin lokaúttekt byggingarfulltrúa. Áskilið samþykki heilbrigðiseftirlits.

- Advertisement -

Athugasemdir