- Auglýsing -
Svandís Svavarsdóttir, heilbrigðisráðherra, hefur birt reglur um sóttkví og einangrun vegna COVID-19 kórónuveirufaraldursins.
Rík skylda er á einstaklinga um að hlíta fyrirmælum um að fara í sóttkví og einangra sig ef það smitast. Lögð er áhersla á að einstaklingar sem koma erlendis frá verði að fara í sóttkví.
Brot gegn reglunum varða sektum eða allt að þriggja mánaða fangelsi samkvæmt sóttvarnalögum, eða allt að sex ára fangelsi samkvæmt ákvæði almennra hegningarlaga um vísvitandi útbreiðslu hættulegra sjúkdóma.
Sóttvarnalæknir getur samkvæmt reglunum veitt undanþágu frá sóttkví vegna ómissandi samfélagslegra innviða, til dæmis á sviði raforku, fjarskipta, sorphirðu og löggæslu.