Föstudagur 29. mars, 2024
-3.2 C
Reykjavik

Skrúðgöngu á degi heilags Patricks aflýst í Dublin

VefTv

- Auglýsing -

Hlaðvörp

- Auglýsing -

Borgaryfirvöld í Dublinar hafa aflýst hinni árlegu skrúðgöngu á degi heilags Patricks þann 17. mars, til að hamla útbreiðslu kórónaveirunnar sem veldur Covid-19. Árlega taka tugir þúsunda fólks þátt í göngunni sem er stærsti viðburður ársins á Írlandi.

Í frétt írsku útvarpsstöðvarinnar RTÉ um málið kemur fram að borgaryfirvöld í Cork hafi riðið á vaðið í morgun og aflýst sinni göngu, sem dregur til sín um 50.000 þátttakendur árlega. Í yfirlýsingu borgarstjórnarinnar vegna málsins kom fram að heilsa almennings væri það sem öllu máli skipti og það væri rétt ákvörðun að aflýsa göngunni.

Írski heilbrigðisráðherrann, Simon Harris, sagði í morgunþætti RTÉ í morgun að ástandið væri grafalvarlegt og mikil hætta væri á að þróunin í útbreiðslu veirunnar í Írlandi yrði svipuð og í öðrum Evrópulöndum, til dæmis á Ítalíu, í Frakklandi og Þýskalandi.

Tuttugu og einn einstaklingur hefur nú greinst með veiruna á Írlandi og tólf á Norður Írlandi, en enn hefur ekki verið tilkynnt um dauðsföll af völdum hennar í landinu.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -