Laugardagur 4. desember, 2021
-5 C
Reykjavik

Tengdafaðir Gylfa Þórs knattspyrnukappa: „Þau eru ekki að skilja“

Helgarviðtalið

- Auglýsing -

Orðrómur

- Auglýsing -

Ívar Erlendsson, faðir Alexöndru Helgu, eiginkonu Gylfa Þór Sigurðssonar, landsliðsmanns í knattspyrnu, útilokar að þau hjónin standi í hjónaskilnaði. Um það ganga nú háværar sögur hér á landi en í samtali við Mannlíf þvertekur tengdafaðir landsliðskappans fyrir þær sögur.

Óhætt er að segja að mál Gylfa, sem af mörgum er talinn besti knattspyrnumaður Íslands fyrr og síðar, hafi sett allt á hliðina í samfélaginu frá því að Mannlíf greindi fyrstur allra miðla í heiminum frá málinu.

„Ég get fyllilega borið þetta tilbaka. Það er ekkert svoleiðis í gangi. Þú getur haft það eftir mér að þau eru ekki að skilja.“

Að öðru leyti vill Ívar ekki ræða málefni fjölskyldunnar. Aðspurður hvort þeim sé öllum heimilt að vera í daglegu sambandi við Gylfa svarar hann því játandi. Um heilsu tengdasonarins hefur hann þetta að segja: „Hann hefur það fínt.“

Sjá einnig: Gylfi með stöðu grunaðs manns í Manchester – Þetta hefur lögreglan að segja um málið

Gylfi er enn skráður sem leikmaður Everton, en fulltrúi félagsins harðneitaði að tjá sig um mál hans í afar stuttu samtali við blaðamann Mannlífs. „No comment.“

Líkt og Mannlíf greindi fyrst frá var Gylfi hand­tek­inn vegna gruns um brot gegn stúlku undir lögaldri. Samkvæmt heimildum Mannlífs átti brotið sér stað árið 2017.

Mál Gylfa Þórs, landsliðsmanns og leikmanns Evert­on, er ennþá til rann­sókn­ar hjá lög­regl­unni í Manchester, og ekki hef­ur verið gef­in út kæra á hend­ur Gylfa, að sögn lög­regl­unn­ar í borginni.

Sjá einnig: Alexandra flutt út – Gylfi Þór vaktaður allan sólarhringinn

- Auglýsing -

Mikil þögn hefur ríkt um mál Gylfa í Bretlandi og hér á landi og hefur ekk­ert verið gefið út um það hvort Gylfi þurfi að mæta fyr­ir dóm­ara á næst­unni. Slúður þess efnis hefur gengið um á samfélagsmiðlum að Gylfi ætti að mæta fyr­ir dóm­ara ytra á morg­un en það hefur ekki fengist staðfest.

Hjónin skírðu dóttur sína á dögunum. Dóttirin sem fæddist í byrjun maí er frumburður þeirra hjóna og fékk nafnið Melrós Mía.

Breskir fjölmiðlar hafa hins vegar fullyrt að Alexandra væri flutt út af heimili þeirra hjóna og því haldið raunar fram að það hafi hún gert nokkrum vikum áður en hann var handtekinn af lögreglu fyrir helgi.

Á sama tíma og Alexandra er umvafin fjölskyldu sinni á Íslandi segja fjölmiðlar ytra að Gylfi hafi verið fluttur í öruggt skjól á vegum Everton þar sem hans er gætt allan sólarhringinn.

- Auglýsing -

Sjá einnig: Fjölskylda og lögmenn umvefja Gylfa

Hafnfirðingurinn Gylfi Þór er einn af fremstu knattspyrnumönnum Íslands og sannkölluð þjóðhetja fyrir árangur sinn. Síðustu vikur hafa þó verið honum erfiðar. Lögreglurannsókn stendur yfir og hann sakaður um að hafa misnotað stúlku undir lögaldri. Honum hefur verið vikið tímabundið úr liði sínu, Everton, á meðan rannsókn stendur.

Foreldrar Gylfa eru þau Sigurður Aðalsteinsson og Margrét Guðmundsdóttir. Hann á einn bróður, Ólaf Má og eina systur, Fjólu Rún.

Gylfi er kvæntur Alexöndru Helgu, sem kjörin var Ungfrú Ísland árið 2008. Þau gengu í heilagt hjónaband í fyrra og á þessu ári eignuðust þau sitt fyrsta barn. Gylfi er stakur reglumaður og hefur aldrei drukkið áfengi eða neitt annarra eiturlyfja. Hann er lang­launa­hæsti ís­lenski knatt­spyrnumaður­inn en Gylfi fær um 850 millj­ón­ir króna í árs­laun hjá enska úr­vals­deild­ar­fé­lag­inu Evert­on.

Sjá einnig: Var Gylfi hakkaður?

Það fór vart fram hjá neinum þegar brúðkaup Gylfa Þórs og Alexöndru Helgu fór fram. Engu var til sparað og var brúðkaupið haldið í stórkostlegu umhverfi við Como-vatn í norðurhluta Ítalíu. Ítalska höllin Villa Balbiano við bæinn Ossuccio við Como-vatn varð fyrir valinu og var þar haldin glæsileg brúðkaupsathöfn ásamt því að slegið var upp veislu.

Mikill fjöldi prúðbúinna gesta var á svæðinu og má þar nefna landsliðsmenn á borð við Aron Einar Gunnarsson, Rúrik Gíslason og Alfreð Finnbogason, ásamt eiginkonum og kærustum. Þá voru á svæðinu einnig vinkonur Alexöndru eins og Trendnet bloggarana Fanney Ingvarsdóttur, ungfrú Ísland 2010 og Pöttru Sriyanonge, fyrirsætuna og markaðsstjóra World Class, Birgittu Líf Björnsdóttur auk fleiri þekktra íslenskra andlita.

Ef marka má heimildir Mannlífs fór giftingin þó fram í skugga framhjáhalds landsliðsmannsins þar sem Alexandra vissi þá af hinum meinta broti frá árinu 2017.

Sjá einnig: Slúðrað um Gylfa á samfélagsmiðlum

Hjón­in Al­ex­andra Helga og Gylfi Þór festu einnig kaup á glæsi­legri lóð í Arn­ar­nesi. Um er að ræða 1.149,7 fm lóð á besta stað við sjó­inn. Lóðin snýr í suður og er með út­sýni út í Sjá­lands­hverfið í Garðabæ. Fast­eigna­mat lóðar­inn­ar er 69.700.000 kr. fyr­ir 2021. Hjón­in festu kaup á lóðinni 10. júlí 2020 og stefna á að byggja þar upp framtíðarheimili fjöskyldunnar.

Gulldrengurinn Gylfi er um þessar mundir fallinn af stalli sem konungur íslenskra knattspyrnumanna, en máli hans er þó alls ekki lokið. Hann liggur undir grun en hefur ekki verið dæmdur.

Gylfi er grunaður um að hafa brotið gegn ólögráða stúlku í Bretlandi á árinu 2017 og þá hafi Gylfi verið 26 ára gamall. Heimildir Mannlífs herma að Gylfi hafi ekki vitað af aldri stúlkunnar á þessum tíma. Nýlega hafi faðir stúlkunnar komist að samskiptum þeirra og leitað til lögreglu sem hafi framkvæmt húsleit í byrjun júlí á heimili Gylfa í Bretlandi og síðar handtekið hann.

Mannlíf fjallaði fyrst miðla um málið og vísaði í sögusagnir þess efnis að Gylfi væri sá handtekni í Manchester borg. Samkvæmt heimildum Mannlífs búa Alexandra og ungt barna þeirra hjóna nú í Garðabænum í faðmi fjölskyldu hennar. Foreldrar hans munu hinsvegar hafa flogið út til Bretlands, um leið og ljóst var að Gylfi hafi verið handtekinn og veita honum nú mikilvægan stuðning ásamt lögmönnum Everton.

„Hann hefur það fínt.“

Óhætt er með öllu að fullyrða að Gylfi er einn besti knattspyrnumaður Íslands fyrr og síðar; hann hefur alla tíð verið rólegur, yfirvegaður og kurteis í framkomu og hreinlega fyrirmynd í alla staði. Ímynd hans hefur verið fáguð og „elegant“ og lítið verið um slúður eða orðróm um að hann tengist einhverju vafasömu.

Sjá einnig: Gylfi lýsir yfir sakleysi sínu

Það kom því eins og blaut tuska framan í íslensku þjóðina að Gylfi hefði verið handtekinn nýlega grunaður um áðurnefnt brot. Þetta eru einhverjar óvæntustu fréttir sem landsmenn hafa fengið í langan tíma.

Gulldrengurinn Gylfi er um þessar mundir fallinn af stalli sem konungur íslenskra knattspyrnumanna, en máli hans er þó alls ekki lokið. Hann liggur undir grun en hefur ekki verið dæmdur. Flestir vona að Gylfi Sigurðsson sé saklaus af því sem á hann er borið.

Gylfi hefur ekki verið sakfelldur fyrir eitt né neitt. Fólki er brugðið; enginn átti von á neinu slíku í tengslum við Gylfa, sem ávallt kemur vel fyrir, er kurteis og vingjarnlegur og á aðdáendur út um allan heim. Stuðningsmönnum Everton um allan heim varð bylt við er tíðindin bárust og þeir og hreinlega allir sem þekkja til Gylfa í algjöru sjokki.

Málið mun fara sína réttu leið og eru allir hvattir til að halda ró sinni og láta ekki út úr sér nein særandi opinber ummæli; Gylfi á fjölskyldu – nýfætt barn og er að ganga í gegnum erfiða tíma, eins og allir í fjölskyldu hans og Alexöndru konu hans, vinir og vandamenn.

Gylfi segist vera saklaus og á hann skýlausan rétt á því að hann sé ekki dæmdur fyrirfram af einum né neinum.

Sjá einnig: „Mig lang­ar að taka það skýrt fram að ég er ekki stúlk­an sem teng­ist máli Gylfa Sig­urðsson­ar“

Mannlíf heldur áfram að fylgjast með málinu.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -