Föstudagur 12. ágúst, 2022
9.8 C
Reykjavik

Þeir sem virða ekki sóttkví gætu átt fangelsisvist yfir höfði sér

Helgarviðtalið

- Auglýsing -

Orðrómur

- Auglýsing -

Lögmæður segir sóttvarnalækni geta leitað aðstoðar lögregluyfirvalda fari fólk ekki eftir tilmælum um að vera í sóttkví vegna COVID-19.

„Ef einstaklingur er með sjúkdóm og vill ekki gera neitt til að hefta útbreiðslu smitunar, og almannahagsmunir liggja undir, getur sóttvarnalæknir leitað aðstoðar lögregluyfirvalda.“ Þetta segir Jón Þór Ólason, lögmaður og lektor við lagadeild Háskóla Íslands, í samtali við Fréttablaðið, í ljósi tilfella þar sem fólk hefur komið sér undan 14 daga sóttkví vegna COVID-19. Til að mynda með því að ferðast frá skilgreindum hættusvæðum með tengiflugi til Íslands, en slík tilvik hafa verið að koma upp og jafn vel dæmi um að viðkomandi stæri sig af því á samfélagsmiðlum.

Í Fréttablaðinu er á bent á að í sóttvarnalögunum séu viðurlög við slíkum brotum sektir og fangelsi allt að þremur mánuðum. Þá kveði hegningarlög á um að hver sem valdi hættu á útbreiðslu næms sjúkdóms með því að brjóta gegn lagafyrirmælum eða varúðarreglum geti átt allt að þriggja ára fangelsi yfir höfði sér. Ef um er að ræða sjúkdóm sem hið opinbera gerir sérstakar ráðstafanir til að hefta geti það varðað við allt að sex ára fangelsi.

Jón Þór tekur þó fram að vitneskja um sjúkdóm skipti máli hvað refsingar varðar, það er hvort um ásetning eða gáleysi sé að ræða.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -