Fimmtudagur 11. ágúst, 2022
9.8 C
Reykjavik

Tilkynnt um framlengingu ferðatakmarkana

Helgarviðtalið

- Auglýsing -

Orðrómur

- Auglýsing -

Áslaug Arna Sigurbjörnsdóttir dómsmálaráðherra hefur tilkynnt að ferðatakmarkanir sem tóku gildi þann 20. mars sl. verði framlengdar til 15. maí nk. Þetta kemur fram á vef dómsmálaráðuneytisins. Þar segir að umfang takmarkananna haldist óbreytt og verður því útlendingum, sem hvorki eru EES- né EFTA-borgarar, áfram óheimilt að koma til landsins nema þeir geti sýnt fram á að för þeirra sé vegna brýnna erinda.

Ríkisborgarar Schengen-svæðisins og aðstandendur þeirra munu áfram geta komið óhindrað inn á svæðið og er sérstaklega kveðið á um að útlendingar sem hafa dvalar- eða búseturétt innan svæðisins eigi einnig rétt á að koma. Þá eru ákveðnar starfsstéttir undanþegnar takmörkunum, þar á meðal starfsfólk á sviði heilbrigðisþjónustu og þeir sem sinna farmflutningum.

Framkvæmdastjórn Evrópusambandsins gaf út tilmæli þann 8. apríl til aðildarríkja sambandsins og Schengen samstarfsins um að draga áfram úr ferðum fólks inn á Schengen svæðið til 15. maí í því skyni að hægja á útbreiðslu kórónaveirunnar.

Á vef ráðuneytisins segir að nauðsynlegt sé að framlengja þær aðgerðir sem þegar hefur verið gripið til svo að hægt sé að ná stjórn á útbreiðslu COVID-19 og að aðgerðirnar nái aðeins tilgangi sínum ef öll aðildarríki taki þátt.

Sjá einnig: Óljóst hvenær ferðamenn fara að streyma til landsins

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -