- Auglýsing -
Danski hönnuðurinn Kristina Dam er mörgum kunn. Einfaldleiki, fágun og notagildi eru einkunnarorð hennar og samstarfsfólksins hjá Kristina Dam Studio. Geymsluboxin frá hönnunarstofunni eru tilvalin til þess að koma góðu skipulagi á heimilið en þau eru í senn falleg og nýtast afskaplega vel.
Geymsluboxin koma þrjú saman í setti og eru gerð úr gegnheilli eik og hnotu. Boxin eru til margvíslegra nota, stílhrein og hagnýt og henta einkar vel í smærri rými. Hægt er að koma þeim fyrir hvar sem er á heimilinu; í herbergi barnanna, í svefnherberginu, stofunni eða á skrifstofunni. Efsta boxið er hægt að hafa opið og má leyfa fallegum bókum, tímaritum eða plöntum að njóta sín. Hönnunin er nútímaleg með fallegum smáatriðum og kemur skipulagi á hlutina.