Fimmtudagur 9. desember, 2021
2.8 C
Reykjavik

Lykillinn að fallegu heimili

Helgarviðtalið

- Auglýsing -

Orðrómur

- Auglýsing -

Kristján Kristjánsson, lýsingarhönnuður og eigandi lýsingarhönnunarstofunnar Hildiberg, gefur sex skotheld ráð til að gera heimilið hlýlegt í skammdeginu.

Kristján Kristjánsson, lýsingarhönnuður, gefur góð ráð.

1. Dimmer, eða ljósdeyfir. „Þegar það er dimmt og hráslagalegt úti, eins og algengt er á haustin og veturna á Íslandi, þá er gott að vera með dimmer til að „lækka“ ljósin,“ segir Kristján. „Það kann að hljóma þverstæðukennt að gera það í stað þess að auka lýsinguna, en mjúk birta getur gert kraftaverk. Fyrir hennar tilstilli verður umhverfið hlýlegt og notalegt, sem er gott – og í leiðinni svolítið rómantískt.“

2. Ljósaperur. „Það er ekki nóg að vera með góðan dimmer, maður þarf að líka að eiga góðar perur. LED perunnar er sá kostur sem algengast er að fá í dag. LED perur eru alltaf að verða betri og betri en eldrir gerðir af dimmerum og nýjar LED perur eru ekki alltaf vinir og geta valdið flökti og veseni fyrir notendur. Því er best að prófa sig áfram hvað virkar saman. En svo eru glóðarperur, eða glóperur eins og þær eru yfirleitt kallaðar, sem eru enn seldar á nokkrum stöðum hérlendis, ótrúlega þægilegur ljósgjafi; gefa þessa hlýju birtu og notalegheit sem við sækjumst gjarnan eftir á haustin og veturna. Auk þess ráða gömlu dimmerarnir ráða best við þær. Með því að dimma spörum við orku. Auk þess innihalda glóperur engin spilliefni eins og númtíma Ledperur.“

„Mjúk birta getur gert kraftaverk. Fyrir hennar tilstilli verður umhverfið hlýlegt og notalegt, sem er gott – og í leiðinni svolítið rómantískt.“

3. Stand- og borðlampar. „Á haustin og veturna er tilvalið að notast frekar við stand- og borðlampa heldur en loftljós, því frá loftljósum getur stafað flöt birta sem hentar til dæmis í mátunarklefa úti í búð en ekki í stofunni heima. Kveiki maður bara á einu loftljósi í stóru rými getur birtan orðið köld og dapurleg í ofan á lag. Við þurfum samspil ljóss og skugga og því nær maður fram með góðum stand- og borðlömpum sem er hægt að raða hér og þar um rýmið, svolítið eins og kertum.“

„Á haustin og veturna er tilvalið að notast frekar við stand- og borðlampa heldur en loftljós.“ Mynd / Heiðdís Guðbjörg Gunnarsdóttir.

4. „Talandi um það, þá eru kerti klárlega málið. Kerti gefa frá sér fallega og mjúka birtu sem er alveg tilvalin í skammdeginu. Passið ykkur bara á einu. Kertaljós er hugguleg og rómantísk en það sama verður ekki sagt um sót af kertum sem vill gjarnan myndast á veggjum og gera að verkum að þá þarf að ryksuga veggina. Besta aðferðin til að forðast slíkt er að passa sig bara á því að stilla kertinu ekki upp við ljósa eða hvíta veggi.“

5. Dagsbirta. „Drögum gardínur frá gluggum þessa fáu tíma sem dagsbirtu nýtur við á haustin og veturna. Það er leitun að jafn fallegri birtu, ég tala nú ekki um þegar sést til sólar. Fyrir utan það þá er margsannað hvað dagsbirta er mikilvæg í skammdeginu, eitt það besta sem völ er á fyrir sálartetrið.“

- Auglýsing -

6. Sleppið einnar peru loftlýsingu í skammdeginu. „Ég kalla slíka loftlýsingu oft rykusugulýsingu og af ástæðu. Það er best að hafa hana í gangi þegar maður er að taka til eða ryksuga heima hjá sér.“

Kristján á heiðurinn að lýsingunni í Vök Baths. Mynd / Vök Baths.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -