Nú liggur fyrir að Kristrún Frostadóttir verður næsti formaður Samfylkingar. Kristrún þykir búa yfir fjölmörgum kostum sem stjórnmálamaður. Það brýst fram í skelfingu sjálfstæðismanna sem reyna allt sem þeir geta til að berja á henni. Þetta má sjá í Mogganum í dag þar sem yfirmaður minningagreina blaðsins, Andrés Magnússon, skrifar fréttagrein um framboð Kristrúnar. Fyrirsögnin er „Krýning fremur en kosning hjá Kristrúnu“. Þar er sett fram með niðurlægjandi hætti að hún er ein í framboði.
Ekki er fjallað um endurnýjað framboð Bjarna Benediktssonar til formennsku eða Þórdísar Kolbrúnar Reykfjörð Gylfadóttur til varaformennsku í Sjálfstæðisflokknum sem krýningu eða annað í þeim dúr. Mogginn er samur við sig þar sem kemur að andstæðingum Sjálfstæðisflokksins og menn svífast einskis við að sverta þá sem geta orðið Sjálfstæðisflokknum skeinuhættir. Það er rétt metið hjá fótgönguliðum Davíðs Oddssonar ritstjóra að Kristrún er hægri öflunum hættuleg og sannkölluð ógn frá vinstri …