Baldur Þórhallsson prófessor stendur á gati þegar hann er spurður um könnun sem Maskína gerði um fylgi við hann til að setjast í stól forseta Íslands. Viðskiptablaðið komst á snoðir um könnunina og bar undir prófessorinn. „Þetta hefur borist mér til eyrna og það er verið að spyrja um einhverja fleiri, án þess að ég hafi yfirlit yfir það,“ svaraði Baldur og kvaðst ekki vita hverjir standi fyrir könnuninni eða hvaðan hún sé sprottin. Meðal þess sem spurt er um er hvernig fólki lítist á að Baldur og maki hans, Felix Bergsson setjist að á Bessastöðum.
Það styttist í forsetakosningar sem fram fara 1. júní. Guðni Th. Jóhannesson forseti segist ekki gefa kost á sér áfram en fátt er um fína drætti þar sem litið ert til frambjóðenda. Arnar Þór Jónsson, dómari og fyrrverandi varaþingmaður Sjálfstæðisflokksins, Sigríður Hrund Pétursdóttir, fjárfestir og fyrrum formaður Félags kvenna í atvinnurekstri, Tómas Logi Hallgrímsson rafvirki og Ástþór Magnússon bílasali hafa öll gefið kost á sér í embættið …