Björgvin G. Sigurðsson, fyrrverandi alþingismaður og ráðherra Samfylkingar, hefur verið á póliitískum vergangi síðan hann hraktist af þingi árið 2013 í hruni Samfylkingar eftir 10 ára þingsetu.
Þegar bankarnir hrundu var hann í einu aðalhlutverkanna sem viðskiptaráðherra. Honum var þó haldið utan við það sem var að gerast dagana áður en Glitnir féll. Þar héldu Geir Harde forsætisráðherra og Davíð Oddsson seðlabankastjóri spilunum þétt að sér og leiddu þjóðina inn í Hrunið sem hófst með falli Íslandsbanka.
Björgvin var á sínum tíma ein bjartasta vonin í vinstrinu. Ungur skaust hann upp á stjörnuhiminn Samfylkingar á mettíma og inn á þing, sannkallað undrabarn í jakkafötum. Eftir að hann missti þingsætið varð hann sveitarstjóri í Ásahreppi en var rekinn.
Nú stefnir að óbreyttu í að Samfylking undir stjórn Kristrúnar Frostadóttur sé að ná sama styrk og var í formannstíð Össurar Skarhéðinssonar þegar flokkurinn fékk 32 prósent atkvæða. Við þessar aðstæður hafa dúkkað upp nokkrir lukkuriddararar sem hugsa gott til glóðarinnar um að komast á þing.
Meðal þeirra sem nefndir eru til sögunnar er Björgvin sem er á besta aldri, aðeins 53 ára. Fullyrt er að hann sé þess albúinn að ljúka sínum pólitíska vergangi með því að að snúa aftur á þing sem einn af fótgönguliðum Kristrúnar. Innan valdakjarna flokksins er fólk mismunandi spennt fyrir endurkomu hans. Meiri vilji er fyrir kynslóðarskiptum og að fá yngra fólk til leiks …