Sá umdeildi og glaðbeitti Brynjar Níelsson hefur fengið vinnu í gegnum Sjálfstæðisflokkinn eftir að sex mánaða uppsagnarfresti hans á launum hjá dómsmálaráðuneytinu lauk. Brynjar var þingmaður Sjálfstæðisflokksins en féll af þingi í síðustu kosningum. Hann var svo stálheppinn að Jón Gunnarsson dómsmálaráðherra réði hann sem aðstoðarmann. Það starf hvarf út í buskann þegar Jón vék af ráðherrastóli fyrir Guðrúnu Hafsteinsdóttur.
Heimildin greindi frá því að nú hefði rofað til að nýju í atvinnumálum hins fallna þingmanns. Hann er kominn í vinnu sem einskonar möppudýr hjá Þórdísi Kolbrúnu Reykfjörð Gylfadóttur fjármálaráðherra við að skrifa frumvörp og sinna öðrum aðkallandi verkefnum. Til þess að þurfa ekki að auglýsa starfið var gripið til þess að hafa ráðninguna tímabundna. Það er sama aðferð og sjálfstæðismenn notuðu við að koma öðrum flokksgæðingi, Svanhildi Hólm Valsdóttur, í embætti sendiherra í Washington. Þessi aðferð að grípa til tímabundinna ráðninga þykir vera alveg kjörin til að losna við afskipti óvinveittra aðila af mannaráðningum …