Gríðarleg herferð er þessa dagana gegn fiskeldisfyrirtækinu Arnarlaxi. Þrýst er á Handknattleikssambandið að afþakka styrki frá félaginu vegna með meðferðar á eldisfiski sem varð lús að bráð. Meðal þeirra sem fordæma fyrirtækið er sjálfur kóngurinn, Bubbi Morthens, sem skrifaði grein á Vísi þar sem hann lýsti samningnum sem reginhneyksli. Bubbi sagði að sjókvíaeldi væri „hörmulegur og mengandi iðnaður sem mun ganga af íslenskum náttúrulegum laxastofni dauðum“.
Vefurinn bb.is hefur staðið þétt með Arnarlaxi í raunum fyrirtækisins. Ritstjórinn, Kristinn H. Gunnarsson, ritaði leiðara um árás Bubba sem hann lýsir sem tvískinnungi og rifjar upp að tónlistarmaðurinn hefði sjálfur verið á spenanum hjá Arnarlaxi fyrir sex árum og réttlætt það.
„Honum finnst það allt í lagi að hann sjálfur fái greitt frá Arnarlax en reginhneyksli að HSÍ fái greitt frá Arnarlax. Þegar hann fær greitt er það fáránlegt bull að gagnrýna það en þegar HSÍ fær greitt er formaður HSÍ sakaður um dómgreindarbrest og ætti að segja af sér. Það er ekki svo að formaður HSÍ sé að fá peningana í eigin vasa, þeir fara í að kosta starfið, en það á við um Bubba, peningarnir fór beint í hans vasa,“ skrifar Kristinn …