Flestir eru á þeirri skoðun að Dagur B. Eggertsson, fyrrverandi borgarstjóri, sé vandaður maður sem hafi staðið sína vakt með prýði. Á meðal þeirra sem gefa honum hæstu einkunn er Jón Gnarr, fyrrverandi borgarstjórti og samstarfsmaður Dags í pólítík. „Dagur finnst mér einstaklega vandaður, gáfaður og góður maður. Hann hefur sterkar réttlætiskennd og er, að ég held, með öllu falslaus. Hann er einstaklega skapgóður svo að það er næstum því ómögulegt að ergja hann að nokkru ráði. Hann er ekki langrækinn og hallmælir hvorki né baktalar fólk. hann er alveg einstaklega vel saman settur náungi ..,“ skrifar Jón um félaga sinn og DV vitnar til.
Moggamenn eru á allt öðru máli. Gert er út á það í blaði dagsins að kveðjuveislur hafi verið haldnar til heiðurs hinum fráfarandi. Blaðið spyr hver greiði kostnað af herlegheitunum. Þá er vakin á því athygli að borgarfulltrúm minnihlutans, að undanskildum leiðtogum, hafi ekki verið boðið til veislunnar. Þarna er á ferð alveg hreint voðalegt hneyksli ef marka má framsetningu Davíðs Oddssonar, ritstjóra og fyrrverandi borgarstjóra, og félaga hans. Davíð fékk sjálfur önnur eftirmæli en Dagur eftir borgarstjóratíð sína …