Sjónvarpsmaðurinn Egill Helgason á sér þá hlið að vera átakasækinn og efna gjarnan til slagsmála á netsíðum. Eitt slíkt dæmi kom upp þegar hann reifst við heiðursmanninn Bjarna Ákason í athugasemdakerfi Facebook. Deilan vakti athygli og sagði DV meðal annrs frá uppnáminu.
Egill var að mæra vini sína, hælisleitendur frá Venesuela sem hann sagði að ættu yfir sér brottvísun frá Íslandi þrátt fyrir að vera bæði harðduglegt og hæfileikaríkt sem kynnu nánast allt.
„Duglegasta og hæfileikaríkasta fólk sem ég hef kynnst,“ skrifaði Egill og dró hvergi úr lofinu. Þá kom athugasemd frá Bjarna sem ærði Egil. „Væntanlega borgað svart,“ skrifaði Bjarni í athugasemd og fékk yfir sig fúkyrðaflaum.
„Þetta fólk hefur enga vinnu – hvaða drullusokksháttur er þetta og ógeðslega forréttindablinda! En því er margt til lista lagt. Eiginmaðurinn er forritari,“ skrifaði Egill og sagðist ekki vera með atvinnurekstur og gæti þar af leiðandi ekki ástundað „taumlaust okur á vörum“.
Bjarni gaf ekkert eftir og snupraði Egil fyrir illmælgina.
„Voðalega ertu viðkvæmur með þetta. Gott að fólk hafi vinnu sérstaklega þegar það hefur litlar sem engar tekjur. En að mógúll eins og þú notir drullusokkatal …,“ skrifaði hann. Deilunni lauk í framhaldinu …