Mánudagur 15. júlí, 2024
11.8 C
Reykjavik

Gaslýsing Þórðar

VefTv

- Auglýsing -

Hlaðvörp

- Auglýsing -

Lögreglan á Norðurlandi eystra er enn að rannsaka þann anga Samherjamálsins sem snýr að ráni á síma Páls Steingrímssonar skipstjóra og gagnastuldi sem virðist hafa átt sér stað í höfuðstöðvum Ríkisútvarpsins. Páll lá á sjúkrabeði þegar síma hans var rænt. Fyrrverandi eiginkona hans er grunuð um þjófnaðinn og að hafa komið símanum í höfuðstöðvar  Ríkisútvarpsins þar sem hann að líkindum var brotinn upp.

Gögnum úr símanum var komið á Kjarnann og Stundina og þau notuð sem grunnur að Skæruliðamálinu svokallaða. Ríkisútvarpið vitnaði síðan í fréttir miðlanna, rétt eins og Mannlíf og fleiri miðlar. Athygli vakti að Þórður Snær Júlíusson, þáverandi ritstjóri Kjarnans, lagði áherslu á það á sínum tíma að fjölmiðill hans ætti ekki hlut að máli við að afla gagnanna. Fæstir efast um þá yfirlýsingu hans.

Þórður Snær var gestur í Synir Egils á Samstöðinni um áramótin þar sem hann gagnrýndi að Páll skipstjóri hefði fengið að ranta um sín mál í Mannlífi, DV og hjá Frosta Logasyni í Brotkasti. Svo var að skilja á gaslýsingu Þórðar Snæs að samstaða fjölmiðla hefði verið rofin með grófum hætti og ekki mætti ræða við manninn um svo alvarlegt tilvik sem meinta byrlun og grófa innrás í einkalíf hans. Fjölmiðlum á Íslandi er þannig ætlað að svipta Pál málfrelsi sínu og slaufa honum í umræðu um glæpinn. Þá sætir furðu að ritstjórinn skuli standa gegn því að upplýst verði hverjir standa að baki aðförinni að manninum á sjúkrabeðnum. Málið snýst ekki að neinu leyti um meint afbrot Samherjamanna.

Víst er að Símamálið getur haft gríðarlegar afleiðingar fyrir þá sem ráða ferðinni hjá RÚV ef allt er sem sýnist …

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -