Guðni Ágústsson, fyrrverandi ráðherra, er ófeiminn við að láta í ljósi skoðanir sínar. Hann lætur sig gjarnan jafnrétti nokkru varða. Fræg voru þau ummæli hans að staður konunnar væri á bak við eldavélina. Guðni tekur fyrir baráttu kvenna fyrir jafnrétti í dag í grein í Mogganum. Fyrirsögnin er sláandi: Hví fokka þær feðraveldinu?
Í grein sinni fjallar Guðni um þann gríðarlega árangur sem konur hafa náð frá stóra fundinum árið 1975. Hann telur Íslendinga eiga heimsmet í því að auka rétt venna. „Þær gegndu ekki yfirhöfuð framkvæmdastjórastörfum í atvinnulífi, þær voru „hornkerlingar“ á
þessum árum …,“ skrifar Guðni og áréttar um stórkostllegan árangurinn af hinum mikla baráttufundi fyrir tæpum fimmtíu árum. Um það vitni ekki síst árangur Vigdísar Finnbogadóttur, fyrrverandi forseta Íslands.
Þá segist hann þekkja víða til á heimilum ungs fólks þar sem jafnréttið sé í hávegum og karlar gangi til allra verka. Augljóst er að Guðna misbýður allt fokkið í garð feðraveldisins sem fram kom á stórfundinum …