Óperusöngvarnn Kristján Jóhannsson hefur gengið í gegnum mikla erfiðleika á undanförnum misserum. Hann fékk krabbamein og barðist upp á líf og dauða. Söngvarinn sagði af einlægni frá baráttu sinni í samtali við Sigurlaugu Jónasdóttur á Rás 1.
Hann sagði sjúkdóminn hafa gengið mjög nærri sér og að hann hafi bugast og grátið. Það hafi aldrei hvarflað að sér fyrr að hann, karlmennið, myndi lenda í þeirri stöðu. Síðan barátta hans hófst hefur hann misst tugi kílóa. Hann sló á létta strengi og spurði Sigurlaugu hvorft hann væri ekki sætur. Hún staðfesti það. Kristján segir nú hlátur hafa tekið við af grátinum. Og hefur nú til allrar blessunar sigrast á sjúkdómnum og er í óða önn að byggja sig upp eftir svartnættið sem var næstum búið að sigra hann. Viðtalið við hann er magnað og skyldi enginn láta það framhjá sér fara …