Uppnám hefur verið innan Lágafellsskóla síðan handskrifaður óhróður um tiltekna nemendur birtist á samfélagsmiðlum. Upplýsingalekinn varð til þess að Lísa Greipsson skólastjóri hefur rekið kennara úr starfi, tímabundið.
Um var að ræða handskrifaðar upplýsingar úr stílabók sem kennari á efri stigum hafði skrifað inn þar sem ýmsu misjöfnu er varpað fram um nemendur. Upp komst um skrifin þegar kennarinn yfirlýsingaglaði lánaði nemanda stílabókina. Nemandinn birti glósurnar á samfélagsmiðlum.
DV birti umrædd skrif þar sem kennir ýmissa grasa. Einhver barnanna eru þar sökuð um hroka. Þá er þar að finna sleggjudóma á borð við „dónalegur“, „lúmskur“ og „lyginn“. Þá er rantað um það að sumir nemendanna búi við erfiðar heimilisaðstæður. Einn er sagður vera „hægur“ og annar er slakur námsmaður og þeim þriðja er líkt við „þeytispjald“.
Allt er nú á öðrum endanum í Lágafellsskóla vegna lekamálsins og Lísa skólastjóri er í miklum vandræðum …