Listamaðurinn og gamanleikarinn Jón Gnarr virðist vera sjóðheitur fyrir forsetaembættinu. Athygli vakti þegar birt var uppfærsla og mynd af kappanum annars steindauðri síðu Besta flokksins. Þetta þótti vera vísbending um að Jón ætlaði sér í framboð til að keppa við Ástþór Magnússon og fleiri um hnossið á Bessastöðum.
Mannlíf var fyrsti fréttamiðillinn sem spurði Jón hvort hann hyggðist bjóða sig fram til forseta en það var gert í byrjun ársins. Jón útilokaði þá ekkert.
Sjálfur svaraði Jón í véfréttastíl þegar Árni Sæberg, blaðamaður Vísis, spurði hann um áætlanir sínar. Jón kvaðst vera úti að ganga með hundinn sinn í Eyjafjarðarsveit og þess utan að æfa leikritið And Björk of course. „Ég hef ekki haft tíma til að taka einhverjar ákvarðanir eða gefa eitthvað svar,“ sagði Jón við Vísi. Ólíkleg er annað en myndin og meldingin á síðu Jóns sé með hans vilja eða einhverjum úr innsta hring borgarstjórans fyrrverandi og myundin sé skýr vísbending um að hann hugsi gott til glóðarinnar og þreifi fyrir sér um viðbrögð …