Föstudagur 19. júlí, 2024
10.8 C
Reykjavik

Opinberun Hannesar

VefTv

- Auglýsing -

Hlaðvörp

- Auglýsing -

Opinberun Hannesar fékk nýja merkingu eftir uppnámið um helgina þegar prófessorinn fyrrverandi, Hannes Hólmsteinn Gissurarson, missti stjórn á sér í Leifsstöð og sakaði konu í „múslimskum búning“ um að hafa rænt af sér tösku með viðkvæmum gögnum. Atvikið átti sér stað í Fríhöfninni. Hannes krafðist þess að lögregla yrði kölluð til þótt meintir þjófar stæðu, að sögn vitnis, með góssið aðeins örfáa metra frá honum. Vitnið segir hann hafa hrakyrt konuna og sagt henni að fara úr landi.

Hannes skrifaði færslu á Facebook sem hlaðin var fordómum vegna konunnar og dætra hennar. Í athugasemd við færsluna lýsti Rúna Mjöll Helgadóttir, starfsmaður Fríhafnarinnar, atvikum á allt annan veg og sagði ljóst að um misgrip hefði verið að ræða. Allt fór á annan endann og prófessor Hannes var fordæmdur. Hann hélt þó áfram og beindi spjótum sínum að hinni 19 ára gömlu Rúnu sem hann taldi hafa rofið trúnað með uppljóstrun sinni.

Í gærkvöld birti svo Hannes mynd úr kvölverðarboði sínu og lét þau orð fylgja að þar væru engir múslimar. Á myndinni voru brosmildir gestir af uppruna sem hæfði samkvæminu. Þar með gerði Hannes endanlega upp á bak og opinberaði sig. Færslan er nú horfin ásamt þeirri sem fól í sér fordæmingu á framgöngu Rúnu Mjallar en ný færsla er kominn upp þar sem Hannes segir netmiðla vera góða þjóna en slæma húsbændur …

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -