Sigmundur Ernir Rúnarsson, fyrrverandi ritstjóri Fréttablaðsins og fréttastjóri Stöðvar 2, hefur sent frá sér öldungis frábæra bók, Í stríði og friði fréttamennskunnar, sem er einskonar uppgjör hans eftir langan fjölmiðlaferil. Ýmislegt viðkvæmt ber á góma svo sem afdrifaríkt eftirpartý þegar Kryddsíldinni lauk á Stöð 2 á gamlársdag. Sigmundur varafréttastjóri, Páll Magnússon fréttastjóri og Davíð Oddsson forsætisráðherra sátu að sumbli eftir að útsendingu lauk. Þeirri samverustund lauk ekki fyrr en eiginkona Davíðs, Ástríður Thorarensen, greip í taumana og fór með mann sinn heimleiðis. Sigmundur Ernir hélt slompaður heim í leigubíl en Páli varð það á að aka af stað á bifreið sinni. Það vildi ekki betur til en svo að lögreglan stöðvaði hann í Öskjuhlíð og hann kom heim í lögreglufylgd, próflaus. Stuttu seinna náði Páll áttum og hætti að drekka.
Bók Sigmundar er einstaklega vel skrifuð, bráðfyndin og upplýsandi ….