Þorgerður Katrín Gunnarsdóttir, formaður Viðreisnar, er gjarnan merkisberi réttlætis hreinleika þar sem kemur að kvótamálum. Flokkur hennar hefur hiklaust gagnrýnt framgöngu Samherja á erlendum vettvangi. Þorgerður á sér fortíð í Sjálfstæðisflokknum þar sem hún hófst til metorða þrátt fyrir ónáð og ónot Davíðs Oddssonar formanns. En það er fleira í fortíð Þorgerðar.
Heimildin upplýsir að hún hafi sem sjávarútvegsráðherra gengið hart fram í þágu Samherja gagnvart færeyskum stjórnvöldum. Samherji átti gríðarlega hagsmuni í eignarhaldi á sjávarútvegsrisanum Framherja. Til umræðu var að banna fjárfestingar útlendinga í færeyskum sjávarútvegi. Høgni Hoydal sjávarútvegsráðherra talaði fyrir banninu. Þorgerður tók upp símann og var ævareið. Fram kemur í minnisblaði sem Heimildin vísar til að Þorgerður hafi verið ævareið vegna yfirvofandi örlaga Samherja. Embættismaður sagði um símtalið að „gjordist Thorgerður heldur óð“.
Þorgerður Katrín þrætti fyrir að hafa átt beitt þrýstingi vegna Samherja í samtali við Stundina á sínum tíma. Þegar sannanir komu fram um annað sér hún að sér og mundi ekki eftir samatalinu þegar hún varð óð. „Mér finnst bara mjög leiðinlegt og miður að hafa ekki farið rétt með þetta, sem er einfaldlega bara því um að kenna að ég mundi ekki eftir þessu tiltekna samtali,“ sagði Þorgerður Katrín við Heimildina …