Baráttukonan Vítalía Lazareva hefur ekki átt sjö dagana sæla undanfarin misseri. Hún lagði fram kæru á hendur athafnamönnunum Hreggviði Jónssyni, Ara Edwald og
Þórði Má Jóhannessyni fyrir að hafa misboðið sér naktir í heitum potti við sumarbústað í Borgarfirði. Í framhaldinu kærðu mennirnir Vítalíu og Arnar Grant, ástmann hennar, fyrir hótanir og tilraun til fjárkúgunar. Rannsókn hefur verið felld niður í báðum málum.
Mál hennar vakti á sínum tíma gríðarlega athygli og kostaði Ara Edwald starf sitt sem forstjóri hjá dótturfyrirtæki Mjólkursamsölunnar. Þá hafði málið allt miklar afleiðingar fyrir Arnar Grant semn var sviptur starfi og stuðningi fyrirtækja.
Vítalía er þó ekki laus frá öllum málum. Morgunblaðið upplýsir í dag að rannsókn lögreglu stendur enn yfir á því að Vítalía hafi sem starfsmaður í lyfjaverslun brotið gegn friðhelgi einkalífs með því að fletta upp í lyfjaskrá og hnýsast þannig í málefni einstaklinga. Gísli Freyr Valdórsson blaðamaður skrifar þá frétt en hann þekkir vel til mála tengdum friðhelgi einkalífs …