Þegar skipt er yfir í lágkolvetnamataræði getur reynst höfuðverkur að finna heitt meðlæti sem arftaka. Blómkálshrísgrjón eru saðsöm, lág í kolvetnum og frábær leið til að auka við grænmetisinntökuna. Kartöflur, rótargrænmeti og hrísgrjón eru rík í kolvetnum og hafa talsverð áhrif á blóðsykur líkamans.
Blómkálshrísgrjón eru einfaldari í eldun en venjuleg hrísgrjón. Fljótlegasta leiðin er að steikja þau á pönnu, en einnig er hægt að hita þau í nokkrar mínútur í örbylgjuofninum.
Uppskriftin hentar fyrir fjóra og tekur um það bil 20 mínútur í undirbúningi.
Hráefni
Stór blómkálshaus
1 msk. ólífuolía
2 msk. steinselja
1 msk. rósmarín
1 msk. timjanlauf
Salt og pipar
Aðferð:
Blómkálshausinn er skolaður. Því næst skorinn í tvennt og rifinn niður í matvinnsluvél eða með rifjárni.
Þerrið blómkálshrísgrjónin með hreinu viskastykki eða pappír.
Hitið ólífuolíuna á miðlungshita á steikarpönnu.
Bætið grjónunum á pönnuna og eldið í um það bil fimm mínútur eða þar til þau verða mjúk.
Kryddið með kryddjurtunum, salti og pipar.