Matarauður Íslands hvetur alla til að velja sinn uppáhalds þjóðlega rétt úr innsendum uppskriftum og hugmyndum.
Alls bárust yfir 100 hugmyndir í samkeppni Matarauðs Íslands og Hótel-og matvælaskólans sem fór fram úr björtustu vonum að sögn aðstandenda keppninnar. Nemar og meistarar við Hótel-og matvælaskólann útfærðu 15 hugmyndir og matreiddu fyrir dómnefnd. Afraksturinn má sjá á heimasíðu Matarauðs Íslands og þar geta allir valið uppskriftir sem þeim líst best á. Úrslitin verða kynnt 25. maí en þá kemur í ljós hver var vinsælasta uppskriftin á meðal almennings og svo hvaða 5 réttir þóttu bestir meðal dómara. 16 veitingastaðir víðs vegar um landið munu velja rétti og bjóða á matseðli sínum í sumar. Einnig er hægt að sjá hvaða staðir það eru á vefnum mataraudur.is.