Fyrir stuttu sendi hljómsveitin Casio Fatso frá sér sína þriðju plötu en hún ber heitið Romantic Rock.
Á plötunni eru átta lög sem öll eru samin, tekin upp, mixuð og masteruð af SIR, þ.e. Sigursteini Ingvari Rúnarssyni en hann og Helgi Birgir Sigurðarson skipa sveitina.
„Titillag plötunnar er samið til Elísabetar konu minnar þar sem hún á skilið eitt lítið mjúkt lag í stað allra þeirra hörðu sem ég hef gert í gegnum tíðina,” segir hann kíminn.
Umfangsefni plötunnar er af ýmsum toga en Sigursteinn segir að sér þyki afar vænt um lagið Boys and girls sem er samið um tvo vini hans sem létust nýverið. Eins og fyrr kemur fram er þetta þriðja plata Casio Fatso og má segja rökrétt framhald af fyrri útgáfum. Fyrsta platan var hrá, önnur hröð og þessi nýjasta er róleg og í rómantískari kantinum. Þess má geta að tónlistarmyndbönd voru gerð við öll lögin sem hægt er að nálgast á Albumm.is