2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Ástarlag samið handa kærustunni

Vestfirðingurinn Arnar Logi var að senda frá sér nýtt lag, Golden Eyes. Lagið er önnur smáskífa af væntanlegri breiðskífu sem hann stefnir á að gefa út með vorinu. Arnar Logi segir að um sé að ræða ástarlag, sem hann samdi handa kærustu sinni, en það snýst um það hvernig lífið getur í raun leitt mann hvert sem er, en á endanum leiðir það lagahöfund að stúlkunni með gylltu augun.

Arnar Logi stundar nám í Kaupmannahöfn og vinnur að tónlistinni í frítíma sínum.

„Núna er aðaláherslan á námið þannig að tónlistin er svolítið í aukahlutverki, en ég er alltaf að segja við sjálfan mig að ég þurfi að gefa mér meiri tíma í hana því þetta er bara það sem mig langar að gera. Í raun held ég að það sé bara tímaspursmál hvenær ég dembi mér út í tónlistina af fullum krafti.“

Helsti áhrifavaldur hans um þessar mundir er írski tónlistarmaðurinn Dermot Kennedy. Auk þess segist hann sækja innblástur úr ólíkum áttum, alveg frá Ólafi Arnalds til Childish Gambino.

Lestu meira

Annað áhugavert efni