Fimmtudagur 20. janúar, 2022
1.8 C
Reykjavik

Bað kærustunnar í Iceland eftir að bónorðsferðinni til Íslands var aflýst

Helgarviðtalið

- Auglýsing -

Orðrómur

- Auglýsing -

Breskur hjúkrunarfræðingur gerði það besta úr stöðunni sem kom upp eftir að fluginu sem hann hafði pantað til Íslands til að biðja kærustunnar þar var aflýst.

Hann gerði sér lítið fyrir og féll á kné í einni af verslunum verslunarkeðjunnar Iceland í Bretlandi og bar upp bónorðið. Unnustan sagði já.

Eftir að hafa fengið tilkynningu um að fluginu til Íslands væri aflýst á mánudaginn datt Robert Ormsby það snjallræði í hug að lokka kærustuna, Patsy Murdoch, með sér í Iceland-verslunina í heimabæ sínum í Kent í Englandi. Hann hafði boðið henni út að borða sem uppbót fyrir ferðina aflýstu en þóttist þurfa að koma við í Iceland til að versla svolítið. Þar fann hann auðan gang og henti sér á skeljarnar.

Patsy segir í samtali við BBC að hún hafi fyrst „hlegið móðursýkislega“, en flýtt sér að segja já og hann hafi dregið hringinn á fingur hennar á staðnum.

Mynd af atvikinu hefur farið sem eldur í sinu um netheima undanfarna daga og segist parið lukkulega vera mjög ánægt með að hafa getað glatt fólk með uppátækinu á þessum síðustu og verstu tímum.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -